DW-РАДИО-секогаш со вас

Емисиите кратко време по емитувањето автоматски ви стојат на располагање преку Media-Player.

Од 15 јануари, Дојче Веле воведе нова 15-мунутна емисија на македонски јазик со почеток во 16 часот и 30 минути.

Оваа емисија е резултат на договорот за продолжување на соработката со Македонското радио за наредни три години и може да се следи на првиот програмски сервис на тој наш партнер. Се разбира, емисијата, како и сите други, се емитува и преку сателитот Хот Бирд 8. Истовремено, од истиот датум, утринската емисија со почеток во 8 часот и 30 минути, трае до 8 часот и 45 минути.

Другите две наши емисии остануваат со траење од по половина час и во истите термини од 11 часот и 30 минути, како и од 15 часот, и како и досега, можат да се следат преку брановите на Вториот програмски сервис на Македонското радио и другите наши партнерски радио-станици во Македонија.